W Nimskej su styri awtochtone (ze starogrjekšćiny „wótdawna zasedlony“) mjeńšyny/ludowe kupki:
- Dany w Pódpołdnjowem Šleswigu,
- Frizy,
- nimske Sinti a Roma,
- a Łužyske Serby.
Dostanu w Nimskej pśez Zwězk a kraje wósebny šćit a specifiske spěchowanje a pódpěranje. Na zwězkowej rowninje zastupijo Mjeńšynowa rada te styri mjeńšyny/ludowe kupki. Federalistiska unija europskich narodnosćow (FUEN) jo głowny zastupnik a nejwjetšy kšywowy zwězk europskich awtochtonych narodnych mjeńšinow, narodnosćow a rěcnych zgromaźeństwow. Pód kšywom se zgromaźijo wěcej ako 100 cłonkojskich organizacijow z 35 europskich krajow (staw 2021).
Serby su za wětšy źěl nimske staśany. Rěc a kultura Serbow stej w danyma wustawoma krajowo šćitanej. Serby maju lichotu a pšawo swóju rěc, kulturu a tradicije woplěwaś a wuwijaś. Pšawo za wužywanje pšawow Serbow w kraju Bramborska, krotko Serbska kazń, jo krajny sejm Bramborskeje w smažnem 1994 schwalił. Słuša zwopšawdnjenja artikla 25 krajneje wustawki wó pšawach Serbow.
Ze Serbskeju kaznju zapokazali mjazy drugim Radu za nastupnosći Serbow pśi krajnem sejmje Bramborska a komunalne zagronite za serbske nastupnosći. Prědny raz su starosedlaŕski sedleński rum definěrowali. Kraj Bramborska jo 2014 a 2018 Serbsku kazń wopśimujucy nowelěrował, aby kulturu a rěc narodneje mjeńšyny lěpjej šćitował.
Zestajenje jadnorych pšawow Serbow w kraju Bramborska namakajośo how ako flyer.
Dalšne informacije dostanjośo pód:
Domowina – Zwězk Łužyskich Serbow z.t., regionalny běrow Chóśebuz
www.domowina.sorben.com
Domowina – župa Dolna Łužyca z.t.
www.domowina.de
Domowina z.t., Rěcny centrum WITAJ
www.witaj-sprachzentrum.de
Ministaŕstwo za wědomnosć, slěźenje a kulturu kraja Bramborska - Serby
www.mwfk.brandenburg.de
rbb Serbske radijo
www.rbb-online.de
Šula za dolnoserbsku rěc a kulturu
www.sorbische-wendische-sprachschule.de
Serbska kulturna informacija "LODKA"
www.lodka.sorben.com
Zwjazk za serbski kulturny turizm z. t. / Zwězk za serbski kulturny turizm z.t.
www.tourismus-sorben.com
Serbski ludowy ansambel ptzwr
www.ansambl.de
Serbski institut z.T.
www.serbski-institut.de
Statny šulski amt Chóśebuz, Źěłanišćo za serbske kubłańske wuwijanje Chóśebuz
www.abc.brandenburg.de
Załožba za serbski lud
www.stiftung.sorben.com
Němsko-Serbske ludowe dźiwadło/ Nimsko-Serbske ludowe źiwadło
www.theater-bautzen.de