Turizm

Pśirodnje a wjeleraki – tak se prezentěrujo turistiski region Dubja-Błota.
Jazory, rěki a tšugi, wokšomjone wót šyrokeje góle a spócetneje pśirody wugótuju bogatosć jadnoraznych stronow wót Barlinja až do Błotow.

Kšasne, pó źěłach jadnorazne krajiny, wokšomiju bejnje roznogatu wódowu seś. How w pódpołdnju Bramborskeje stej se flora a fawna w srjejźnej Europje z wósebneju wjelerakosću wobchowałej. Ako biosferowy rezerwat UNESCO wobchowaju Błota za zwěrjetne a rostlinowe družyny w bogatej licbje jadnorazny žywjeński rum – a su z tym perfektne městno za wšyknych pśijaśelow pśirody.

Góźiny dłujko móžośo how pó njeskóńcnych gólach kólasowaś abo drogowaś – dokulaž sćo w jadnom tych nejwětšych zwisowatych gólnych wobceŕkow w Europje.

Z Dubjoweju jazorateju krajinu a Błotami ma wokrejs za swóje gósći drogowańske wobceŕki z wšakorakimi krajnymi, stawizniskimi a kulturelnymi powabami. Wjelebocne pórucenje źo wót kultury a dožywjenja, wellness (derjeměśa) a sporta až do njedotyknjoneje pśirody.

Lubowarje grodow a kněskich dwórow, cerkwjow, młynow a měsćańskich murjow, historiskich měsćańskich centrumow srjejź  kwiśecych parkow pśidu zawěsće k swójomu.

W gósćeńcach móžośo chłošćatej gubje z fryšnymi regionalnymi pśicynkami domorodneje kuchnje wólu daś.

K wótměnjatemu pśebywanju pśinosuju tradicionelne swěźenje we wjelikej licbje a zarědowanja nejwšakorejšego raza ako muzeje a wustajeńce to swójo.