Mjazynarodne młoźińske zmakanje wótměwa z 2002 pód titelom „My w Europje – Młoźina w dialogu” ako pórucnje wokrejsnego zastojnstwa Dubja-Błota we wobłuku wokrejsnego partnaŕstwa z wójwodstwom Wolsztyn (Pólska). Na zachopjeńku jo se to financěrowało pśez srědki załožby „Wjelika syrotownja Pódstupim”. Pózdźej jo Nimsko-pólske źěło z młoźinu zmakanje kofinacěrowało. Zaměr jo, młodych luźi z tśich krajow pśi wuwijanjach jich mjazykulturelnych a socialnych kompetencow pódpěrowaś, a to pśez pśegranicny medium muziki.
Wósebnu gódnotu ma pśi tom pósrědnjenje ludy zwězujucych gódnotow w zgromaźonej Europje. To se stawa pśedewšym pśez mjazykulturelny a muzikaliski projektowy pśistup. Młodostne se zmakaju ako zastupniki a zastupnice wšakorakich kulturow a se rozestaju gromaźe z wšakorakimi wašnjami muziki a a reje. Profesionelne (muzikowe-) pedagogi pśewóźuju jich pśi pytanju jich muzikaliskich zamóžnosćow a zajmow.
Projekt su w lěśe 2017 w Nimskej a 2018 w Pólskej pśewóźili. Pótom, až su něga institucije z Litawskeje a Dańskeje ako projektowe partnarje źěłali, wobstoj z lěta 2017 zgromadne źěło ze špańskim partarjom RIE RED INTERCULTURAL EUROPEA (Europska mjazykulturelna seś) z regiona Andaluziska.
W lěśe 2019 su projekt w Špańskej pśewjadli. Nagromadu 45 młodostnych z wokrejsa Dubja-Błota, Wolsztyna a Sevilla jo se wót 22.07. až do 31.07.2019 pśi Costa del Sol zmakało. Mimo muzikaliskego projektowego pśistupa jo stojało prědny raz pśeměnjenje klimy w srjejźišću koncepcije. Wobźělniki su pó wopśimjěśe rozestajali z temoma ako plastikowe wótpadanki abo zanjerěšenje mórja.
Erasmusowy program „Youth in Action” Europskeje unije jo młoźinske zmakanje 2019 spěchował.